Per cumüns vivs
Anna Florin craja vi da cumüns compacts, creschüts istoricamaing e colliats geograficamaing, chi sun capabels da spordscher a lur abitant:as ün bun lö da viver e chi sun buns da metter a disposiziun a la cumünanza lös d’inscunter adattats i’l center dal cumün sco eir l’infrastructura pel provedimaint dal minchadi, per abitar e lavurar.
La società sustegna als cumüns in lur lezchas resultadas tras las fusiuns e tils motivescha da far frunt al marchà d’immobiglias da seguondas abitaziuns. Lös d’inscunter pella populaziun dessan gnir mantgnüts e nouvs dessan gnir creats. Anna Florin sensibilisescha a las abitantas ed als abitants dals cumüns sco eir a las possessuras ed als possessurs da seguondas abitaziuns pellas pussibiltats d’üna cumünanza viva ed animescha da chürar il plaschair da viver in cumün.
Daplü commembras e commembers
cha no eschan
plü dür cha pudain tgnair.
Guarda 2025 sco exaimpel
Salvar quai chi dà amo da salvar,
eir per pussibiltar innovaziun.
Intervista cun Anna Florin:
Anna Florin, chi est tü?
Eu sun ün movimaint cultural chi sustegna las cumünanzas da far frunt al marchà d’immobiglias e da chürar il plaschair da viver in noss cumüns. Sainza tai ed otras commembras ed oters commembers nu daja a mai, perquai ch’eu nu sun ingüna persuna privata, dimpersè la società «Anna Florin – per cumüns vivs» cun sez a Tarasp, fundada d’utuon 2021, d’ün pêr Engiadinais:as da la generaziun giuvna chi lessan s’ingaschar per cumüns vivs eir in avegnir. In mia suprastanza sun Flurina Badel da Ftan, Riet Fanzun da Tarasp e Alice Kühne da Scuol.
Perche fa quai dabsögn?
Duos nouvas ledschas federalas, chi sun in vigur daspö pacs ons, han müdà radicalmaing il marchà d’immobiglias in Svizra, cun consequenzas impustüt per regiuns turisticas. D’üna vart es quai la nouva ledscha davart las abitaziuns secundaras (daspö 2015) e da tschella vart la revisiun da la ledscha davart la planisaziun dal territori (2020/21). La Svizra ha decis cun quistas duos ledschas, ch’ella less tgnair chüra da las cuntradas e sviluppar inavant ils cumüns a l’intern da la substanza da fabrica existenta e na plü sülla prada verda. Tuot ils cumüns svizzers sun perquai güsta landervia d’adattar lur plans da zonas e las ledschas da fabrica. E nus tuots stuvain müdar nos pensar.
Quist svilup ha però chaschunà üna consequenza fatala per noss cumüns:
La ledscha da seguondas abitaziuns scumonda unicamaing la fabrica da nouvas chasas sülla prada verda. Però ne la ledscha federala da seguondas abitaziuns, ne quella cumünala, nu prevezza masüras sufficiaintas per proteger las prümas abitaziuns existentas. Tuot las chasas chi daiva avant ils 11 da marz 2012, chi nu d’eiran inscrittas fin là sco prümas abitaziuns, sun sül marchà liber e das-chan gnir fabrichadas intuorn sco seguondas abitaziuns. I’l cumün fusiunà da Scuol, per exaimpel, sun quai passa 90 % da tuot las chasas existentas!
Daspö decennis vegnan vendüdas chasas dad indigens e fabrichadas oura dals nouvs possessurs sco chasas da vacanzas, suvent capita quai eir illa spartiziun d’iertas. Chi chi venda uossa però sia chasa veglia immez cumün, nu chatta plü ningün lö per fabrichar üna chasa nouva a l’ur dal cumün, pervi da la revisiun da la ledscha da planisaziun dal territori. Implü s’haja badà chi’d es catastrofal pella vita in cumün, scha tuot las chasas veglias vegnan vendüdas sco chasas da vacanzas.
E quistas chasas restan vödas dürant blers dis da l’on, ed ils centers dals cumüns mouran – o?
Schi, precis. Minchün chi less verer, vezza quai in tuot l’Engiadina Bassa. Il problem es cha’l marchà d’immobiglias per indigens / domicil primar es il listess marchà sco quel per seguondas abitaziuns. Tuots cumbattan pellas listessas chasas. Pelplü perda l’indigen, perquai cha quels d’utrò han daplü raps. No eschan pacs millis cunter blers tschientmillis, chi sun tuots in tschercha d’üna seguonda abitaziun. Na tuots, per furtüna, ma parts lessan immobiglias in Engiadina be per depuoner chapital e plü bod o plü tard tillas vendna darcheu cun ün grond guadogn finanzial. Ils predschs per cumprar e per tour a fit abitaziuns in Engiadina Bassa vegnan quatras adüna plü ots. Scha nus nu reagin subit cun üna protecziun adattada, schi vegn la populaziun locala vieplü s-chatschada ed ils cumüns dvaintan ressorts da vacanzas o dafatta museum.
Nun esa fingià massa tard?
Per dir cun Karl Valentin: «Spranza nu vegna uschè mal, sco chi’d es fingià.» La situaziun cul virus da Corona ha accelerà quist svilup negativ. Id es da chattar urgiaintamaing soluziuns per salvar nossas ultimas chasas dal marchà da seguondas abitaziuns. Ils predschs da las chasas per domicil primar ston gnir sbassats per cha eir indigens tillas as pon prestar darcheu. Actualmaing sun ils predschs astronomicamaing ots e nun han dachefar plü nöglia culla valur commerciala da las chasas.
E co precis voust agir?
Culla forza e l’ingaschamaint da mias commembras e meis commembers, indigens ed esters, lessa intimar als cumüns politics, a lur abitant:as ed a possessur:as da seguondas abitazuns da tgnair chüra a lunga vista dal spazi d’abitar e da lavurar pajabel e da lös d’inscunter accessibels per tuot:tas. Perquai esa da sensibilisar a las cumünanzas e da muossar otras vias co da vender noss cumüns e cun quai nos potenzial. I douvra müdadas da ledschas e curaschi per progets d’abitar innovativs.
Ma nu perdess la mansteranza locala lavur?
Al listess temp cha no adattain las ledschas cumünalas chi protegian il marchà d’immobiglias indigen, staina promouver marchats chi sun indurmanzats dürant ils ultims ons, per chi nu detta perditas i’l sectur da fabrica. Tant privats, affars sco eir la cumünanza ston promouver la fabrica da prümas abitaziuns, ingio chi dà actualmaing üna gronda mancanza, ed eir la sanaziun da l’hotellaria.
Il giast es fich important per nossa regiun. Eu nu less scumandar a giasts da far vacanzas pro no e neir da posseder ün’aigna abitaziun quia, ma seis sogiuorn sto render pella populaziun locala a lunga dürada. Eu less restabilir l’equiliber san d’abitaziuns per indigens ed abitaziuns per giasts. I nu das-cha esser cha daplü co la mità da las chasas da nossas fracziuns toccan ad esters chi nu fan part da la cumünanza permanenta e chi nu s’ingaschan neir per l’infrastructura e la vita in cumün. Eu less instradar tuot il necessari per mantgnair quai cha no vain amo sco ustarias, scoulas, butias per prodots dal minchadi illas fracziuns. Be in üna regiun viva ha la mansteranza locala lavur eir in avegnir!
Daplü commembras e
commembers cha no eschan,
plü dür cha no pudain tgnair.
E che am spetta sco
commembra/er?
Tü hast la pussibilità da t’ingaschar activmaing o da’m sustgnair passivmaing. Implü daja regulamaing üna charta da nouvas interessanta, occurrenzas per commembras e commembers, ed eu spordsch eir discuors da cussagliaziun per iertavels ed otras persunas chi lessan cha lur chasa nu dvainta ün’ulteriura chasa da vacanzas. Cun mincha commembra e cun mincha commember implü dvantaina ün movimaint, chi salva quai chi dà amo da salvar in noss cumüns, na d’invlidar lingua e cultura.
La contribuziun annuala importa 70.- fr. e das-cha eir gnir multiplichada. GiarsunAs e studentAs das-chan pajar üna minimala a partir da 35.- fr. , tuot tenor lur pussibiltats finanzialas.
Conto per las contribuziuns
da commembranza e donaziuns:
Società Anna Florin
7553 Tarasp
GKB: IBAN CH82 0077 4010 4370 0760 0
actual
Radunanza generala
Venderdi, als 25 d’avrigl 2025. Daplü infuormaziuns suondan.
La società Anna Florin sustegna als cumüns culla revisiun da la planisaziun locala (RPG1)
A reguard pussiblas masüras pella promoziun da spazi d’abitar primar manzuna l’uffizi federal da planisaziun la società Anna Florin sco bun exaimpel.
a la pagina
Analisa Anna Florin
Masüras per abitaziuns primaras pajablas a nivel cumünal
Anna Florin ha formulà ün catalog da masüras cun focus sün abitaziuns primaras e pajablas aint in edifizis da dret vegl e lös d’inscunter per la populaziun locala. Quista differentas masüras sun propostas e dessan servir sco basa pella discussiun publica e pella lavur dals cumüns politics.
Catalog da masüras
Comunicaziuns da medias
zur Medienmitteilung 22.08.2023
zur Medienmitteilung 04.03.2023
zur Stellungsnahme bzgl. Vorstoss Martin Candinas
Anna Florin as chatta uossa eir illas medias socialas
Facebook
a la pagina
Instagram
a la pagina
Anna Florin collavurescha cun otras organisaziuns
Wohnraumförderung Oberengadin
Quia daja analisas, infuormaziuns e soluziuns davart il problem d’abitaziuns pajablas in Engiadina
a la pagina
Creacumün
Creacumün sensibilisescha a la cumünanza pell’importanza dal spazi public e da la cultura da fabrica. Il focus es miss impustüt sülla scolaziun da scolarAs/s ed a la giuventüna.
a la pagina
Encarden
Proget cooperativa d’abitar a Sagogn
a la pagina
Medias
“Erstwohnraum und Zweitwohnungsnutzung – Beispiele und Massnahmen”
Bundesamt für Raumentwicklung (ARE), Februar 2025
a la pagina
“Pudess l’exempel da Segl far scola?”
RTR Telesguard, 24. Januar 2025
a la reportaschaa
“Wohnungsnot im Bergdorf – Sind Einheimische schuld?”
SRF Rundschau, 22. Januar 2025
zum Beitrag
“Sankt Moritz, in 20 appartamenti si pagherà in base al reddito”
RSI Telegiornale, 16. Januar 2025
Zum Beitrag
“Ün nouv impuls pella Butia Tarasp”
Posta Ladina, 15. Januar 2025
a l’artichel
“Nov impuls per la butia Tarasp en pitgira”
RTR Telesguard, 10. Januar 2024
a la reportaga
“Tarasp: stizun cun plans da surviver”
RTR Actualidad, 9. Januar 2025
a l’emischiun
“Informationsabend zu möglichen Massnahmen gegen die Wohnungsnot”
RTR Novitads, 03. Dezember 2024
a l’emischiun
“Flem sco bun exaimpel”
RTR, November 2024
a l’artichel
“Far sco Flem?”
RTR, November 2024
a l’artichel
“Engadina troppo cara”
RSI, 7. November 2024
Zum Beitrag
“Zu teuer” – Bergler finden im eigenen Dorf keine Wohnung
Tagesanzeiger, 10. Mai 2024
Zum Artikel
Mehr Lücke als Gesetz
Hochparterre, 30. April 2024
Zum Artikel
Warum sich die Wohnungsnot im Engadin noch verschärfen könnte
Südostschweiz, 09. März 2024
Zum Artikel
Schweizweite Lockerung des Zweitwohnungsgesetzes
Schweiz Aktuell, 06. März 2024
Zum Beitrag
Il parlament ha decidì da midar la lescha davart abitaziuns secundaras
Telesguard, 05. März 2024
A l’emischiun
Zweitwohnungen: Lockerung kommt nicht nur gut an
SRF Regionaljournal Graubünden, 05. März 2024
Zum Beitrag
Tuot quai chi fa bain a la cumünanza
Posta Ladina, 13. Februar 2024
A l’artichel
Co vinavant cun ils spazi da viver per indigens?
RTR Actualidad, 12. Februar 2024
A la reportascha
Herzensangelegenheiten
Hortensia Magazin, Frauenkulturarchiv GR, Juni 2023
Zum Artikel
Wohnungsnot im Engadin
SRF Schweiz Aktuell, 19. April 2023
Zum Beitrag
Cunter mancanza d’abitaziuns
RTR, 16. März 2023
a l’artichel
Anna Florin warnt und fordert
Bluewin-News, 14. März 2023
Zum Artikel
Erstwohnungsnot soll nicht nur ehrenamtlich bekämpft werden
Südostschweiz, 14. März 2023
Zum Artikel
Die Wohnungssuche im Ferienparadies wird zum Albtraum
Sonntagszeitung / Tagesanzeiger, 28. Januar 2023
Zum Artikel
Anna Florin propona mesiras per spazi da viver
RTR, 17. Januar 2023
Zum Radiobeitrag
Ausverkauf in der Surselva
WOZ, 05. Februar 2023
Zum Artikel
Nationalratskommission will Zweitwohnungsgesetz lockern
SRF Rendez-vous, 22. November 2022
Zum Radiobeitrag
Fatschadas e midadas
La Marella RTR – Guarda e l’avegnir in muntogna, 20. November 2022
a l’emischiun da radio
Erstwohnungsnot im Engadin
Südostschweiz, 07. November 2022
Zum Artikel
Üna chasa chi sa bler
Posta Ladina, 20. August 2022
a l’artichel
Patria es quai cha no fain landeroura
Posta Ladina, 02. August 2022
a l’artichel
Schoglier a cuorta vista es difficil
Posta Ladina, 07. Juni 2022
a l’artichel
Retten was noch zu retten ist
Blog Stiftung Baukultur Schweiz, 17. Mai 2022
Zum Artikel
«Nus nu vulain stuvair gnir cun iniziativas»
Posta Ladina, 01. April 2022
a l’artichel
Wenn nur noch 13 Häuser reine Erstwohnungsräume sind
Südostschweiz, 28. März 2022
Zum Artikel
Einheimische bangen um ihre Dörfer
Blick, 12. März 2022
Zum Artikel
Sehnsuchtsort Bergidylle – Viele zieht es ins Unterengadin
SRF, 11. März 2022
Zum Bericht
Die Bergler zuerst
Die Zeit, 24. Februar 2022
Zum Artikel
Teurer Wohnraum in Bauregionen
Schweiz aktuell, 09.Februar 2022
Zum Beitrag
«La lescha da segundas abitaziuns – ina farsa?»
Cuntrasts RTR, 06. März 2022
a l’emischiun
Aus Ruinen macht er noble Lofts
Tagesanzeiger, 28. Januar 2022
Zum Artikel
Dapli spazi d’abitar per indigens
RTR Telesguard, 21. Januar 2022
a l’emischiun
Wohnungssituation im Engadin spitzt sich zu
SRF Regionaljournal, 19. Januar 2022
Zum Artikel
Die verzweifelte Suche nach Wohnraum im Engadin
SRF Rendez-vous, 19. Januar 2022
Zum Artikel
La fabrica cumainza bainbod
Posta Ladina, 18. Januar 2022
a l’artichel
Para stoja il prüm far mal
Posta Ladina, 11. Januar 2022
a l’artichel
Wohnungsnot: Weil die Portemonnaies nicht gleich dick sind
Südostschweiz, 24. Dezember 2021
Zum Artikel
Ausverkauf des Engadins
Hochparterre, 13. Dezember 2021
Zum Artikel
Die Wohnungsnot im Engadin verschärft sich
Engadinerpost, 09. Dezember 2021
Zum Artikel